Kataloniyaning “Barselona” klubi sobiq yarim himoyachisi Andres Inyesta 16 yoshli vinger Lamin Yamal va 17 yoshli markaziy himoyachi Pau Kubarsi saviyasiga baho berdi.
Har ikki futbolchi ham shu yozda Ispaniya terma jamoasi safida Yevropa chempionatida ishtirok etishi mumkin.
“Bunday yosh yigitlar asosiy tarkibga tushib, yaxshi o‘ynashsa, bu juda ajoyib. Boshqa tomondan, menimcha, bunday narsalar har doim ma’lum bir kontekstning natijasidir. Lekin buning salbiy tomoni ham bor: menimcha, bunday yosh futbolchilar katta mas’uliyat yukini ko‘tarib, tanqidlarga duchor bo‘lishlari kerak emas", - dedi Inyesta.
