Каталониянинг “Барселона” клуби собиқ ярим ҳимоячиси Андрес Иньеста 16 ёшли вингер Ламин Ямал ва 17 ёшли марказий ҳимоячи Пау Кубарси савиясига баҳо берди.
Ҳар икки футболчи ҳам шу ёзда Испания терма жамоаси сафида Европа чемпионатида иштирок этиши мумкин.
“Бундай ёш йигитлар асосий таркибга тушиб, яхши ўйнашса, бу жуда ажойиб. Бошқа томондан, менимча, бундай нарсалар ҳар доим маълум бир контекстнинг натижасидир. Лекин бунинг салбий томони ҳам бор: менимча, бундай ёш футболчилар катта масъулият юкини кўтариб, танқидларга дучор бўлишлари керак эмас", - деди Иньеста.