"Liverpul" yarim himoyachisi Dominik Soboslai mavsumni to‘rtta sovrin bilan yakunlash imkoniyati haqida fikr bildirdi.
"To‘rtta kubokmi? Bu haqda o‘ylash yaxshi. Biz allaqachon bitta kubokni qo‘lga kiritdik, yana uchtasi qoldi.
Uchalasida ham, to‘g‘rirog‘i to‘rttasida ham g‘alaba qozonishni istayman.
O‘yindan o‘yinga yaxshilanishimiz kerak, chunki oldinda juda uzoq yo‘l bor. Endi bizni Yevropa ligasi, keyin Angliya kubogi o‘yinlari kutib turibdi.
Keyin terma jamoalar uchun pauza yuzaga keladi va Premyer-ligaga qaytamiz. Menimcha, biz tayyormiz. Jamoa Klopp uchun to‘rtta sovrin yutmoqchimi? Biz faqat o‘yinlarni kutmoqdamiz va mavsum oxirida nima bo‘lishi haqida o‘ylamaymiz", - dedi Soboslai matbuot anjumanida.
