"Ливерпуль" ярим ҳимоячиси Доминик Собослаи мавсумни тўртта соврин билан якунлаш имконияти ҳақида фикр билдирди.
"Тўртта кубокми? Бу ҳақда ўйлаш яхши. Биз аллақачон битта кубокни қўлга киритдик, яна учтаси қолди.
Учаласида ҳам, тўғрироғи тўрттасида ҳам ғалаба қозонишни истайман.
Ўйиндан ўйинга яхшиланишимиз керак, чунки олдинда жуда узоқ йўл бор. Энди бизни Европа лигаси, кейин Англия кубоги ўйинлари кутиб турибди.
Кейин терма жамоалар учун пауза юзага келади ва Премьер-лигага қайтамиз. Менимча, биз тайёрмиз. Жамоа Клопп учун тўртта соврин ютмоқчими? Биз фақат ўйинларни кутмоқдамиз ва мавсум охирида нима бўлиши ҳақида ўйламаймиз", - деди Собослаи матбуот анжуманида.