Payshanba kuni “Aston Villa” Konferensiyalar ligasi 1/8 finalining javob uchrashuvini “Ayaks”ga qarshi o‘tkazadi.
Birmingem jamoasi bosh murabbiyi Unai Emeri o‘yin oldidan o‘z fikrlarini bildirib o‘tdi.
"Ayaks"da tajribali va yosh futbolchilar bor. Ular biz uchun jiddiy raqobatchilardir.
Biz o‘yinlarni tahlil qildik. Ertaga qanchalik qiyin bo‘lishini, yevrokuboklarda qatnashish qanchalik qiyinligini tushunamiz.
Bu ham "Ayaks" uchun juda muhim o‘yin bo‘ladi.
Biz raqibni hurmat qilamiz, ammo o‘yin rejamizni joriy qilishga va birinchi o‘yindagidan yaxshiroq o‘yin ko‘rsatishga harakat qilamiz.
O‘yin bizning stadionda bo‘lishi juda muhim. Muxlislar ham biz kabi ilhomlanib, bu turnirni davom ettirishga qiziqishmoqda", dedi Emeri jurnalistlarga.
