Пайшанба куни “Астон Вилла” Конференциялар лигаси 1/8 финалининг жавоб учрашувини “Аякс”га қарши ўтказади.
Бирмингем жамоаси бош мураббийи Унаи Эмери ўйин олдидан ўз фикрларини билдириб ўтди.
"Аякс"да тажрибали ва ёш футболчилар бор. Улар биз учун жиддий рақобатчилардир.
Биз ўйинларни таҳлил қилдик. Эртага қанчалик қийин бўлишини, еврокубокларда қатнашиш қанчалик қийинлигини тушунамиз.
Бу ҳам "Аякс" учун жуда муҳим ўйин бўлади.
Биз рақибни ҳурмат қиламиз, аммо ўйин режамизни жорий қилишга ва биринчи ўйиндагидан яхшироқ ўйин кўрсатишга ҳаракат қиламиз.
Ўйин бизнинг стадионда бўлиши жуда муҳим. Мухлислар ҳам биз каби илҳомланиб, бу турнирни давом эттиришга қизиқишмоқда", деди Эмери журналистларга.
