Madridning “Real” klubi yarim himoyachisi Arda Gyuler ijaraga berilmaydi.

19 yoshli futbolchining jamoadan ketishi mumkinligi haqidagi mish-mishlar uning kamdan-kam maydonga tushishi munosabati bilan paydo bo‘ldi. Yaqinda La Liga doirasida "Selta Vigo"ga qarshi o‘yinda (4:0) yosh turkiyalik "Real" safida zaxiradan maydonga tushganidan so‘ng o‘zining debyut golini kiritdi. O‘yindan keyingi intervyuda futbolchi "Los Blankos"da o‘ynaganidan xursand ekanligini va tarkibdagi o‘rni uchun kurashish niyatida ekanini ta’kidladi.

Diario AS'ning yangilangan ma’lumotlariga ko‘ra, "Real" kelayotgan yozda Gyulerni ijaraga bermoqchi emas, hujumkor yarim himoyachining o‘zi ham hech qayerga ketish haqida o‘ylamayapti. Yangi mavsumda o‘sib borayotgan yulduz Karlo Anchelotti jamoasida kattaroq rolga ega bo‘lishi kutilmoqda.