Yan Oblak "Inter"ni penaltilar seriyasida mag‘lub etganidan keyin o‘z fikrlarini bildirib o‘tdi.
"Atletiko" darvozaboni Chempionlar ligasi 1/8 final javob uchrashuvda o‘yindan keyingi seriyada ikkita zarbani bartaraf etdi.
"Men har doim aytamanki, penaltilar seriyasida omad biroz bo‘ladi, chunki to‘g‘ri burchak tanlashi kerak. To‘pni qaytarish kerak, lekin agar o‘yinchi a’lo darajada harakat qilsa, zarbani saqlab qolishning iloji bo‘lmaydi, deb o‘ylayman. Xayriyatki, bugun qarshilik ko‘rsata oldim, lekin asosiysi g‘alaba qozonib, chorak finalga chiqdik.
Har doimgidek, uy uchrashuvlaridagi muhit ajoyib edi. Muxlislar bizni hech qachon xafa qilishmaydi. Biz mag‘lub bo‘lishimiz mumkin, ular hech qachon mag‘lub bo‘lolmaydi va bugun ular yana hal qiluvchi rol o‘ynashdi. Ular bizga katta yordam berishdi”, - deydi Oblak.
