"PSJ" rahbariyati jamoani tark etishi kutilayotgan Kilian Mbappening o‘rniga futbolchi topish haqida qaror qabul qildi. Insayder Pedro Almeydaning so‘zlariga ko‘ra, parijliklar "Sporting" va Shvesiya terma jamoasi hujumchisi Viktor Dyokereshni sotib olishni maqsad qilgan.

Eslatib o‘tamiz, joriy mavsumda shvesiyalik hujumchi portugaliyaliklar safida 37 ta o‘yin o‘tkazib, 33 ta gol va 12 ta golli uzatmani amalga oshirgan.

Transfermarkt portali ma’lumotlariga ko‘ra, futbolchining bozor qiymati 55 million yevroni tashkil qiladi.