Xalqaro futbol federasiyasi (FIFA) tashkilot kengashida qabul qilingan qarorlarni e’lon qildi.
FIFA matbuot xizmati xabariga ko‘ra, 17 yoshgacha bo‘lgan futbolchilar o‘rtasidagi futbol bo‘yicha jahon chempionati 48 ta jamoaga kengaytiriladi va har yili (ilgari har ikki yilda bir marta) o‘tkaziladi.
2025 yildan boshlab yoshlar o‘rtasidagi jahon chempionati Qatarda bo‘lib o‘tadi. Ushbu reja 2029 yilgacha besh yilga mo‘ljallangan. Yosh ayollar o‘rtasidagi jahon chempionati 24 ta jamoaga kengaytiriladi va har yili Marokashda o‘tkaziladi.
FIFA shuningdek, 2027 yilgi ayollar o‘rtasidagi jahon chempionati o‘tkaziladigan joy tashkilotning may oyida bo‘lib o‘tadigan navbatdagi Kongressida aniqlanishini tasdiqladi. Braziliya, Belgiya/Germaniya/Niderlandiya (birgalikda), shuningdek, AQSH/Meksika mezbonlik huquqi uchun kurashmoqda.
%20tashkilot%20kengashida%20qabul%20qilingan%20qarorlarni%20e%26amp%3Brsquo%3Blon%20qildi.&image=%2Fimages%2Fnews%2F%D0%AE17_%D0%96%D0%A7.jpg&noparse=true){kind=link}