"Everton" o‘tgan shanba kuni "Manchester Yunayted"ga qarshi o‘yinda "qizil iblislar" darvozasiga 23 ta zarba yo‘lladi. Liganing so‘nggi olti o‘yinida "Yunayted" raqiblariga 134 marta zarba berishga imkon berdi. Umuman olganda, Premyer-liganing joriy mavsumida "mankunianliklar" o‘z darvozalari tomon 467 marta zarba qabul qilib olishdi - faqat "Sheffild Yunayted" (501) uladan yomonroq natijaga ega.
Har bir uchrashuvda o‘rtacha hisobda raqiblar Andre Onana darvozasiga 17 marta zarba berishadi. Biroq u o‘z darvozasidan bor-yo‘g‘i 39 ta gol o‘tkazib yubordi - bu Premyer-ligada to‘rtinchi o‘rinni egallab turgan "Aston Villa"dan ikkita golga kam.
"Yunayted" to‘psiz eng beparvo va tartibsiz jamoalardan biri bo‘lib tuyulishi mumkin, ammo Onana bu mavsumda "Oltin qo‘lqop" uchun kurashda ikkinchi o‘rinda bormoqda.
