"Эвертон" ўтган шанба куни "Манчестер Юнайтед"га қарши ўйинда "қизил иблислар" дарвозасига 23 та зарба йўллади. Лиганинг сўнгги олти ўйинида "Юнайтед" рақибларига 134 марта зарба беришга имкон берди. Умуман олганда, Премьер-лиганинг жорий мавсумида "манкунианликлар" ўз дарвозалари томон 467 марта зарба қабул қилиб олишди - фақат "Шеффилд Юнайтед" (501) уладан ёмонроқ натижага эга.
Ҳар бир учрашувда ўртача ҳисобда рақиблар Андре Онана дарвозасига 17 марта зарба беришади. Бироқ у ўз дарвозасидан бор-йўғи 39 та гол ўтказиб юборди - бу Премьер-лигада тўртинчи ўринни эгаллаб турган "Астон Вилла"дан иккита голга кам.
"Юнайтед" тўпсиз энг бепарво ва тартибсиз жамоалардан бири бўлиб туюлиши мумкин, аммо Онана бу мавсумда "Олтин қўлқоп" учун курашда иккинчи ўринда бормоқда.
