"Manchester Yunayted"da ijara asosida o‘ynayotgan "Fiorentina"ning marokashlik yarim himoyachisi Sofyan Amrabat joriy mavsum yakunida ingliz klubini tark etadi.
Bu haqda La Gazette dello Sport xabar bermoqda.
Manbaga ko‘ra, "mankunianliklar" futbolchini sotib olmoqchi emas. Amrabatning o‘zi Italiyaga qaytishni xohlaydi.
Eslatib o‘tamiz, 27 yoshli futbolchi “qizil iblislar” safida bir yillik ijara asosida to‘p tepadi. "Mankunianliklar" yarim himoyachini 20+5 million yevroga sotib olish imkoniyatiga ega.
