Angliya chempionatining 29-turi “Fulxem” uchun omadli keldi – jamoa “Tottenxem”ni yirik hisobda mag‘lub etdi.

Biroq o‘yin davomida jamoa noxush holatlarga ham duch keldi.

Ulardan biri o‘yinning 56-daqiqasidagi sariq kartochka bo‘ldi – uni Jeyms Meddisonga qarshi qo‘pol o‘ynagan Joau Palinya ishlab oldi.

Ma’lum bo‘lishicha, bu uning mavsumdagi o‘n ikkinchi sariq kartochkasi bo‘lib, bu Premyer-liganing o‘ziga xos rekordi hisoblanadi, chunki boshqa hech bir futbolchi joriy mavsum uchun bunchalik ko‘p ogohlantirishlarga ega emas.