Англия чемпионатининг 29-тури “Фулхэм” учун омадли келди – жамоа “Тоттенхэм”ни йирик ҳисобда мағлуб этди.
Бироқ ўйин давомида жамоа нохуш ҳолатларга ҳам дуч келди.
Улардан бири ўйиннинг 56-дақиқасидаги сариқ карточка бўлди – уни Жеймс Мэддисонга қарши қўпол ўйнаган Жоау Палинья ишлаб олди.
Маълум бўлишича, бу унинг мавсумдаги ўн иккинчи сариқ карточкаси бўлиб, бу Премьер-лиганинг ўзига хос рекорди ҳисобланади, чунки бошқа ҳеч бир футболчи жорий мавсум учун бунчалик кўп огоҳлантиришларга эга эмас.
