Fransiya yoshlar terma jamoasi bosh murabbiyi Tyerri Anri Kilian Mbappening Olimpiadadagi ehtimoliy qatnashishi mavzusida gapirdi. Oldinroq Mbappe yozda ko‘chib o‘tishi mumkin bo‘lgan Madridning "Real" klubi futbolchini Olimpiada o‘yinlariga qo‘yib yuborishni rejalashtirmayotgani haqida ma’lumot paydo bo‘lgandi.
“Biz Mbappe qayerda bo‘lishini hali bilmaymiz. Ko‘raylikchi. Olimpiadada eng kuchli jamoa bo‘lishini istaymiz, ammo ishonchimiz yo‘q. Bu munozarali masala. Bu qiyin bo‘lishini bilardim. Olimpiya o‘yinlari Fransiyada bo‘lib o‘tadi, shuning uchun bizga fransuz klublari yordam beradi. Ammo xorij klublariga kelsak, men ularning pozisiyasidan shubhalanaman.
Men hech qachon birinchi "yo‘q"da to‘xtamadim. Keling, nima qilishimiz mumkinligini ko‘rib chiqaylik. Qarorni klublar qabul qiladi, chunki bu FIFA kunlari emas. Buni muhokama qilishga harakat qilamiz", - dedi Anri jurnalistlarga.
