Франция ёшлар терма жамоаси бош мураббийи Тьерри Анри Килиан Мбаппенинг Олимпиададаги эҳтимолий қатнашиши мавзусида гапирди. Олдинроқ Мбаппе ёзда кўчиб ўтиши мумкин бўлган Мадриднинг "Реал" клуби футболчини Олимпиада ўйинларига қўйиб юборишни режалаштирмаётгани ҳақида маълумот пайдо бўлганди.
“Биз Мбаппе қаерда бўлишини ҳали билмаймиз. Кўрайликчи. Олимпиадада энг кучли жамоа бўлишини истаймиз, аммо ишончимиз йўқ. Бу мунозарали масала. Бу қийин бўлишини билардим. Олимпия ўйинлари Францияда бўлиб ўтади, шунинг учун бизга француз клублари ёрдам беради. Аммо хориж клубларига келсак, мен уларнинг позициясидан шубҳаланаман.
Мен ҳеч қачон биринчи "йўқ"да тўхтамадим. Келинг, нима қилишимиз мумкинлигини кўриб чиқайлик. Қарорни клублар қабул қилади, чунки бу ФИФА кунлари эмас. Буни муҳокама қилишга ҳаракат қиламиз", - деди Анри журналистларга.
