“Shaxtyor” bosh direktori Sergey Palkinning fikricha, "Tottenxem" Manor Solomon uchun pul to‘lashga majbur.
Eslatib o‘tamiz, Manor Solomon FIFA ruxsatidan foydalanib, “Shaxtyor” bilan shartnomasini to‘xtatib, erkin agent sifatida “Tottenxem”ga o‘tgan edi.
Solomonning Ukraina klubi bilan tuzgan shartnomasi 2023 yilning dekabr oyi oxirigacha amal qilgan.
"Biz oktyabr oyidan beri “Tottenxem” bilan astoydil muzokara olib boryapmiz. Ammo yakunda “Tottenxem” o‘zini adolat va tenglik tamoyillarini talab qilgandek tutmadi. Bunday vaziyatda biz ular tomonidan hurmatsizlikni his qilamiz.
Agar biz muzokaralar olib borgan oylar davomida mening his-tuyg‘ularimni bilsangiz edi. Biz "shporlar" prezidenti Deniel Levini vijdonan harakat qilishga va Yevropa futbol oilasining umumiy qadriyatlarini qo‘llab-quvvatlashga, biz aytayotgan transfer uchun bizga tovon to‘lashning adolatli yo‘lini topishga chaqirmoqchimiz.
"Tottenxem"dek klub o‘zini bunday tuta olmaydi. Bu butun dunyoga mashhur top-klub va o‘zini bunday tutishi juda g‘alati.
Biz ko‘p oylar davomida muzokaralar olib bordik, biz ularni hurmat qildik va ochig‘ini aytsam, katta miqdorda pul so‘ramadik", - dedi “Shaxtyor” bosh direktori Sergey Palkin ESPN telekanaliga bergan intervyusida.
