“Шахтёр” бош директори Сергей Палкиннинг фикрича, "Тоттенхэм" Манор Соломон учун пул тўлашга мажбур.
Эслатиб ўтамиз, Манор Соломон ФИФА рухсатидан фойдаланиб, “Шахтёр” билан шартномасини тўхтатиб, эркин агент сифатида “Тоттенхэм”га ўтган эди.
Соломоннинг Украина клуби билан тузган шартномаси 2023 йилнинг декабрь ойи охиригача амал қилган.
"Биз октябрь ойидан бери “Тоттенхэм” билан астойдил музокара олиб боряпмиз. Аммо якунда “Тоттенхэм” ўзини адолат ва тенглик тамойилларини талаб қилгандек тутмади. Бундай вазиятда биз улар томонидан ҳурматсизликни ҳис қиламиз.
Агар биз музокаралар олиб борган ойлар давомида менинг ҳис-туйғуларимни билсангиз эди. Биз "шпорлар" президенти Дениэл Левини виждонан ҳаракат қилишга ва Европа футбол оиласининг умумий қадриятларини қўллаб-қувватлашга, биз айтаётган трансфер учун бизга товон тўлашнинг адолатли йўлини топишга чақирмоқчимиз.
"Тоттенхэм"дек клуб ўзини бундай тута олмайди. Бу бутун дунёга машҳур топ-клуб ва ўзини бундай тутиши жуда ғалати.
Биз кўп ойлар давомида музокаралар олиб бордик, биз уларни ҳурмат қилдик ва очиғини айтсам, катта миқдорда пул сўрамадик", - деди “Шахтёр” бош директори Сергей Палкин ESPN телеканалига берган интервьюсида.
