"Manchester Siti"dan ijaraga olingan "Jirona"ning o‘ng qanot himoyachisi Yan Kouto yangi mavsumni qayerda yakunlashini hali bilmayapti.

Braziliyalik futbolchi kataloniyaliklarning ushbu mavsumdagi muvaffaqiyatida muhim rol o‘ynadi, ammo yozda "Manchester Siti"ga qaytishga tayyor. 21 yoshli futbolchi 2020 yildan beri "Siti"ga tegishli.

“Men agentlarim bilan ko‘p gaplashaman, biz kelajakni rejalashtirishimiz kerak. "Manchester Siti" bilan shartnomam 2026 yilgacha mo‘ljallangan, hali hech narsa hal qilinmagan. Ko‘ramiz, jamoa bilan mavsumoldi yig‘inga boramanmi? Menimcha, aniq bir narsa deyishga hali erta. Hozir bor e’tiborimni futbolga qaratganman. Bu mavsum men uchun ham, "Jirona" uchun ham yaxshi o‘tmoqda", - deya Kouto so‘zlaridan iqtibos keltiradi Sport Witness.