"Bavariya" boshqaruv kengashi a’zosi Maks Eberl "Bayer" bosh murabbiyi Xabi Alonso haqida gapirdi.

Ispaniyalik murabbiy mavsum oxirida Tomas Tuxel ketganidan keyin bo‘sh qoladigan "Bavariya"dagi bu lavozimga asosiy nomzodlardan biri sanaladi.

"Alonso "Bavariya"ga mos keladimi? U shu yerda o‘ynadi. Bu so‘zlar bilan men Xabi "Bavariya"ga mos keladi, degan sarlavhalarni qo‘zg‘atmoqchi emasman. Uning "Bayer" bilan shartnomasi bor, u jamoani Germaniyada "oltin dubl"ga va Yevropa ligasida g‘alabaga olib kelishi mumkin. Ammo, savolga qaytadigan bo‘lsam, shuni aytishim mumkinki, haqiqatan ham bizga munosib murabbiylar bor", - dedi Eberl Sport Bild nashriga bergan intervyusida.