"Бавария" бошқарув кенгаши аъзоси Макс Эберль "Байер" бош мураббийи Хаби Алонсо ҳақида гапирди.
Испаниялик мураббий мавсум охирида Томас Тухель кетганидан кейин бўш қоладиган "Бавария"даги бу лавозимга асосий номзодлардан бири саналади.
"Алонсо "Бавария"га мос келадими? У шу ерда ўйнади. Бу сўзлар билан мен Хаби "Бавария"га мос келади, деган сарлавҳаларни қўзғатмоқчи эмасман. Унинг "Байер" билан шартномаси бор, у жамоани Германияда "олтин дубл"га ва Европа лигасида ғалабага олиб келиши мумкин. Аммо, саволга қайтадиган бўлсам, шуни айтишим мумкинки, ҳақиқатан ҳам бизга муносиб мураббийлар бор", - деди Эберль Sport Bild нашрига берган интервьюсида.