"Manchester Siti" yarim himoyachisi Rodri, uning pozisiyasidagi futbolchi kelajakda "Oltin to‘p"ni qo‘lga kiritishiga umid qilmoqda.
Ispaniyalik tayanch yarim himoyachisi o‘tgan mavsumda Chempionlar ligasi, Premyer-liga va Angliya kubogini qo‘lga kiritgan Pep Gvardiola jamoasining asosiy figurasi edi. Rodri 2023 yilgi “Oltin to‘p”ga nomzod bo‘lgan, ammo yakuniy reytingda Lionel Messi, Erling Xoland, Kilian Mbappe va Kevin de Bryuynedan keyin beshinchi o‘rinni egallagan.
“Biz hammamiz buni orzu qilamiz. Agar men kabi tayanch yarim himoyachi ushbu sovrinni qo‘lga kiritsa xursand bo‘lardim. Bu g‘olibning o‘zi uchun ham, ushbu pozisiyada o‘ynashni istagan yosh futbolchilar uchun ham katta ahamiyatga ega bo‘lardi. Shunday qilib, yarim himoyachilar e’tirofga nafaqat gollar, balki ajoyib harakatlar uchun erishish mumkinligini his qilishlari mumkin edi.
Biroq, o‘tgan yilgi reytingdagi o‘rnimdan qoniqish hosil qildim - hozir o‘zimni dunyoning beshinchi eng yaxshi futbolchisi deb atashim mumkin", - dedi Rodri France Football nashriga bergan intervyusida.
