"Манчестер Сити" ярим ҳимоячиси Родри, унинг позициясидаги футболчи келажакда "Олтин тўп"ни қўлга киритишига умид қилмоқда.
Испаниялик таянч ярим ҳимоячиси ўтган мавсумда Чемпионлар лигаси, Премьер-лига ва Англия кубогини қўлга киритган Пеп Гвардиола жамоасининг асосий фигураси эди. Родри 2023 йилги “Олтин тўп”га номзод бўлган, аммо якуний рейтингда Лионель Месси, Эрлинг Холанд, Килиан Мбаппе ва Кевин де Брюйнедан кейин бешинчи ўринни эгаллаган.
“Биз ҳаммамиз буни орзу қиламиз. Агар мен каби таянч ярим ҳимоячи ушбу совринни қўлга киритса хурсанд бўлардим. Бу ғолибнинг ўзи учун ҳам, ушбу позицияда ўйнашни истаган ёш футболчилар учун ҳам катта аҳамиятга эга бўларди. Шундай қилиб, ярим ҳимоячилар эътирофга нафақат голлар, балки ажойиб ҳаракатлар учун эришиш мумкинлигини ҳис қилишлари мумкин эди.
Бироқ, ўтган йилги рейтингдаги ўрнимдан қониқиш ҳосил қилдим - ҳозир ўзимни дунёнинг бешинчи энг яхши футболчиси деб аташим мумкин", - деди Родри France Football нашрига берган интервьюсида.
