Yozgi transfer oynasi ochilishiga oz qoldi va ko‘plab klublar tarkibni kuchaytirish haqida o‘ylanib, hozirdanoq zamin tayyorlamoqda. Goal portalining Record nashriga tayanib xabar berishicha, "Arsenal" himoyachi Usmon Diomande bo‘yicha muzokaralarni boshlab yuborgan.

Manbaga ko‘ra, "Arsenal" 20 yoshli Diomande uchun "Sporting"ga 60 million yevro taklif qilishga tayyor. Shu bilan birga, lissabonlik "sherlar" ivuarlik transferi uchun ko‘proq - 100 millionga yaqin olmoqchi.

Usmon Diomande "Sporting"ga 2023 yilning yanvar oyi oxirida kelgandi. O‘shandan beri ivuarlik futbolchi 46 ta o‘yin o‘tkazib, 3 ta gol urdi va bitta golli uzatmani amalga oshirdi.