"Barselona" himoyachisi Ektor Fort klub afsonasi Karles Puyoldan o‘rnak olishini aytdi.

Asosan himoya qanotlarida to‘p tepadigan 17 yoshli futbolchi “ko‘k-anorranglilar”ning sobiq sardorini o‘ziga asosiy namuna deb atadi.

“Puyolning klubimiz ranglari va gerbini qanday himoya qilgani tahsinga sazovor va betakror. Umid qilamanki, bir kun kelib men ham shunday qila olaman", - deya yosh futbolchining so‘zlarini keltiradi Managing Barca.

Ektor Fort “Barselona”ning asosiy jamoasi tarkibida yettita o‘yin o‘tkazib, ikkita golli uzatmani amalga oshirdi. Ispaniyalik futbolchining debyuti Chempionlar ligasi dekabrida "Antverpen"ga qarshi o‘yinda bo‘lib o‘tdi.