Frankfurtning “Ayntraxt” klubi hujumchisi Omar Marmush Germaniya Bundesligasini Angliya Premyer-ligasiga o‘zgartirishi mumkin. Bu haqda Tribal Football portali sahifalarida xabar berildi.
Manbaga ko‘ra, hujumchining xizmatlariga bir qancha klublar qiziqish bildirmoqda. Marmush uchun “Liverpul”, “Nyukasl”, shuningdek, Londonning “Arsenal” va “Tottenxem” klublari kurash olib boradi. Potensial transfer summasi 50-60 million yevroga baholanmoqda.
Germaniya chempionatining joriy mavsumida 25 yoshli misrlik 21 ta o‘yinda maydonga tushdi. Marmush o‘nta gol (bir penaltidan) va oltita golli uzatmaga ega.