Франкфуртнинг “Айнтрахт” клуби ҳужумчиси Омар Мармуш Германия Бундеслигасини Англия Премьер-лигасига ўзгартириши мумкин. Бу ҳақда Tribal Football портали саҳифаларида хабар берилди.
Манбага кўра, ҳужумчининг хизматларига бир қанча клублар қизиқиш билдирмоқда. Мармуш учун “Ливерпуль”, “Ньюкасл”, шунингдек, Лондоннинг “Арсенал” ва “Тоттенхэм” клублари кураш олиб боради. Потенциал трансфер суммаси 50-60 миллион еврога баҳоланмоқда.
Германия чемпионатининг жорий мавсумида 25 ёшли мисрлик 21 та ўйинда майдонга тушди. Мармуш ўнта гол (бир пенальтидан) ва олтита голли узатмага эга.
