Madridning “Real” klubi vingeri Rodrigo faoliyatini Angliya chempionati klublaridan birida davom ettirishi mumkin, deb xabar bermoqda Mundo Deportivo.
Manbaga ko‘ra, "Liverpul" 23 yoshli braziliyalik futbolchini o‘z safiga qo‘shib olmoqchi, chunki bu futbolchini Muhammad Salohning o‘rnini bosuvchi futbolchi sifatida ko‘rib chiqmoqda.
Madrid jamoasi rahbariyati vingerning transferi uchun 100-120 million yevro taklif qilsa, uni sotish variantini muhokama qilishi mumkin. O‘z navbatida mersisaydliklar futbolchi uchun 80 million to‘lashga tayyor.
Rodrigo 2019 yilning iyulidan beri "Real"da o‘ynamoqda. U ispan klubi safida 206 ta o‘yin o‘tkazib, 50 ta gol urgan va 40 ta golli uzatmani amalga oshirgan. Uning shartnomasi 2027/28 yilgi mavsum oxirigacha amal qiladi.
