Мадриднинг “Реал” клуби вингери Родриго фаолиятини Англия чемпионати клубларидан бирида давом эттириши мумкин, деб хабар бермоқда Mundo Deportivo.

Манбага кўра, "Ливерпуль" 23 ёшли бразилиялик футболчини ўз сафига қўшиб олмоқчи, чунки бу футболчини Муҳаммад Салоҳнинг ўрнини босувчи футболчи сифатида кўриб чиқмоқда.

Мадрид жамоаси раҳбарияти вингернинг трансфери учун 100-120 миллион евро таклиф қилса, уни сотиш вариантини муҳокама қилиши мумкин. Ўз навбатида мерсисайдликлар футболчи учун 80 миллион тўлашга тайёр.

Родриго 2019 йилнинг июлидан бери "Реал"да ўйнамоқда. У испан клуби сафида 206 та ўйин ўтказиб, 50 та гол урган ва 40 та голли узатмани амалга оширган. Унинг шартномаси 2027/28 йилги мавсум охиригача амал қилади.