"Yuventus" Kenan Yildizga 10-raqamli futbolkani ishonib topshirishga tayyor.
Klub 18 yoshli futbolchining kelajagi porloq va yaqin orada yangi shartnoma taklif qilinishiga ishonmoqda. Tuttosport xabariga ko‘ra, yosh turkiyalik nafaqat maoshi oshishiga, balki "Yuventus"dagi o‘ninchi raqamga ham ega bo‘lishi mumkin bo‘ladi. Eslatib o‘tamiz, hozirda bu raqam Pol Pogbaga tegishli bo‘lib, u yaqinda uzoq muddat diskvalifikasiya qilingani sababli klubni tark etadi.
Kenan Yildiz “Byankonerilar” safida barcha musobaqalarda 21 ta o‘yin o‘tkazib, 3 ta gol urgan. Futbolchining debyuti o‘tgan yilning avgust oyida bo‘lib o‘tgandi.
