Dortmundning "Borussiya" klubi bosh murabbiyi Edin Terzich "Bavariya" hujumchisi Xarri Keynning joriy mavsumdagi o‘yini haqida gapirdi. 30 yoshli ingliz futbolchisi 31 ta gol bilan Bundesliganing eng yaxshi to‘purari hisoblanadi.
“Keynning ajoyib statistikasi bor. Biz uning fazilatlarini bilamiz va ularni birinchi davra o‘yinida ko‘rdik. U maydonda yolg‘iz qolmaydi. "Bavariya"ning hujumi uni doimo ijodkorlik va tezkorlik bilan qo‘llab-quvvatlaydi. Biz bunga e’tibor qaratishimiz kerak", - dedi Terzich matbuot anjumanida.
Germaniya chempionatining navbatdagi turi doirasida “Bavariya” bugun Dortmundning “Borussiya” klubini qabul qiladi.
