Дортмунднинг "Боруссия" клуби бош мураббийи Эдин Терзич "Бавария" ҳужумчиси Харри Кейннинг жорий мавсумдаги ўйини ҳақида гапирди. 30 ёшли инглиз футболчиси 31 та гол билан Бундеслиганинг энг яхши тўпурари ҳисобланади.
“Кейннинг ажойиб статистикаси бор. Биз унинг фазилатларини биламиз ва уларни биринчи давра ўйинида кўрдик. У майдонда ёлғиз қолмайди. "Бавария"нинг ҳужуми уни доимо ижодкорлик ва тезкорлик билан қўллаб-қувватлайди. Биз бунга эътибор қаратишимиз керак", - деди Терзич матбуот анжуманида.
Германия чемпионатининг навбатдаги тури доирасида “Бавария” бугун Дортмунднинг “Боруссия” клубини қабул қилади.
