"Milan" bosh murabbiyi Stefano Pioli Rafael Leauning jamoa uchun ahamiyati haqida gapirdi. Shanba kuni “rossonerilar” safida o‘zining 200-uchrashuvini o‘tkazgan 24 yoshli forvard “Fiorentina”ga qarshi bahsda sheriklariga bitta golli uzatma berdi va gol urdi (2:1).
Uchrashuvdan so‘ng Pioli "Milan" uning rivojlanishida muhim rol o‘ynaganini aytdi.
"Biz uning rivojlanishiga yordam berdik va u o‘rganishga tayyor. U endi o‘zi orzu qilgan buyuk chempion bo‘lish arafasida turibdi.
U nafaqat mahorat, balki shaxsiy munosabatda ham yaxshilanadi. Albatta, "Milan" xuddi "PSJ" Mbappega tayangandek, Leauga tayanadi.
Har qanday jamoa individual qobiliyatli o‘yinchilarning fazilatlaridan foydalanishga harakat qiladi. Rafaelda hamma narsa bor", - deya Piolining so‘zlaridan iqtibos keltiradi Football Italia.
