"Милан" бош мураббийи Стефано Пиоли Рафаэль Леаунинг жамоа учун аҳамияти ҳақида гапирди. Шанба куни “россонерилар” сафида ўзининг 200-учрашувини ўтказган 24 ёшли форвард “Фиорентина”га қарши баҳсда шерикларига битта голли узатма берди ва гол урди (2:1).
Учрашувдан сўнг Пиоли "Милан" унинг ривожланишида муҳим рол ўйнаганини айтди.
"Биз унинг ривожланишига ёрдам бердик ва у ўрганишга тайёр. У энди ўзи орзу қилган буюк чемпион бўлиш арафасида турибди.
У нафақат маҳорат, балки шахсий муносабатда ҳам яхшиланади. Албатта, "Милан" худди "ПСЖ" Мбаппега таянгандек, Леауга таянади.
Ҳар қандай жамоа индивидуал қобилиятли ўйинчиларнинг фазилатларидан фойдаланишга ҳаракат қилади. Рафаэлда ҳамма нарса бор", - дея Пиолининг сўзларидан иқтибос келтиради Football Italia.
