Premyer-ligada mavsumning muhim o‘yinlaridan birida bugun "Manchester Siti" va Londonning "Arsenal" jamoasi o‘zaro kuch sinashadi. 

Quyida ushbu uchrashuv uchun jamoalarning boshlang‘ich tarkiblarini taxmin qilishga harakat qilamiz.

"Manchester Siti": Ortega, Gvardiol, Ake, Dias, Serxio Gomes, Kovachich, Rodri, Doku, Lyuis, Foden, Bobb.

"Arsenal": Rayya, Kivior, dos Santos, Saliba, Uayt, Rays, Jorjinyo, Edegor, Trossard, Havers, Saka.

“Manchester Siti”ning bir qancha futbolchilari terma jamoalardagi yig‘in paytida jarohat olishgan. Bular Kayl Uoker, Jon Stouns, Manuel Akanji, Bernardo Silva, Ruben Diash va Erling Xolanddir. Bundan tashqari, Luis Mateysning jarohati haqida ham xabarlar bor. Balki ulardan biri "Arsenal"ga qarshi o‘ynashi mumkin. Kevin de Bryuynening o‘yindagi ishtiroki ham so‘roq ostida. Jek Grilishning eski jarohati bor. Darvozabon Ederson kasalxonada.

«Arsenal»ga kelsak, Bukayo Saka ehtiyot chorasi sifatida Angliya terma jamoasi bazasini oldindan tark etgan. Gabriel Martinellining bo‘lajak o‘yinda maydonga tushishi so‘roq ostida. Tomas Parti jarohatini forig‘ bo‘lgan ko‘rinadi. "Manchester Siti" 3 aprel kuni Chempionlar ligasi doirasida "Real"ga qarshi o‘ynaydi va madridliklarni "Arsenal"ga qarshi bahs oldidan yuzaga kelgan ko‘p sonli kadrlar muammosi bilan chalg‘itishi ham mumkin.

O‘tkazilgan 28 o‘yin natijasiga ko‘ra, “Arsenal” 64 ochko bilan turnir jadvalida peshqadamlik qilmoqda. Uchinchi o‘rindagi “Manchester Siti” esa xuddi shunday uchrashuvlardan so‘ng 63 ochkoga ega. "Arsenal"da zaxira o‘yini mavjud. "Liverpul" 30-tur o‘yinini "Brayton" bilan ulardan oldinroq o‘tkazadi. Bugun, 31-mart kuni 20:30da “Manchester Siti” – “Arsenal” uchrashuvi start oladi.