Bugun, 31 mart kuni Madridning “Real” klubi La Liganing 30-turi doirasida “Atletik Bilbao”ni qabul qildi.
Jamoalar o‘rtasidagi o‘yin 2:0 hisobida madridliklar foydasiga hal bo‘ldi. Har ikki golga jamoaning braziliyalik hujumchisi Rodrigo mualliflik qildi. Avvaliga futbolchi 8-daqiqada gol urgan bo‘lsa, o‘yinning 73-daqiqasida u dubl qayd etdi.
Rodrigoning o‘zi uchun bu dubl joriy Ispaniya chempionatidagi uchinchisi bo‘ldi. Umuman olganda, futbolchi La Liganing 30 ta uchrashuvida o‘nta gol va beshta golli uzatmani amalga oshirdi.
