"Liverpul" bosh murabbiyi Yurgen Klopp APLning 30-turidan o‘rin olgan "Brayton"ga qarshi o‘yinda (2:1) jamoasining g‘alabasi haqida fikr bildirdi.
"Men to‘rt-beshta to‘p farqi bilan g‘alabani afzal ko‘raman. Bu bizning De Dzerbi boshchiligidagi "Brayton"ga qarshi eng yaxshi o‘yinimiz.
Biz aqlli o‘ynaganimiz va aqlli himoyalanganimiz ajoyib. Ha, bu oson bo‘lmadi, ammo "Brayton" bilan bir qator o‘yinlar bo‘ldi, o‘shanda biz ularning sifatiga ham yaqinlashmagan edik. Bu safar biz tinchlandik.
"Brayton"ning saviyasi aql bovar qilmaydi. Bu bugungi kunda qanchalik yaxshi bo‘lganimizni ko‘rsatadi, chunki men bu klubni juda hurmat qilaman. Ularning vaziyatlari bo‘ldi, birdaniga ko‘p tavakkal qila boshladilar, futbolchilarimiz esa biroz charchashdi. Biz g‘alaba qozonishga haqli edik. Bu biz xohlagan narsa edi, juda ajoyib", - dedi Klopp VVS bilan suhbatda.
Eslatib o‘tamiz, ayni damda "Liverpul" 67 ochko bilan APL turnir jadvalida peshqadamlik qilmoqda. Ikkinchi o‘rinda borayotgan "Arsenal" hisobida 65 ochko bor. "Manchester Siti" 64 ochko bilan uchinchi o‘rinda bormoqda.
