"Bavariya" hujumchisi Kingsli Koman jamoasining Bundesliga va Chempionlar ligasida g‘alaba qozonish imkoniyatlariga baho berdi.

Eslatib o‘tamiz, Dortmundning “Borussiya”sidan uchralgan mag‘lubiyatdan so‘ng “Bavariya”ning chempionatdagi birinchi o‘rindan farqi 13 ochkoga yetdi.

"Biz bor e’tiborni keyingi o‘yinga qaratishimiz kerak. Chempionatda raqibimizni mag‘lub etmasak, Chempionlar ligasida g‘olib bo‘lmaymiz. Biz o‘zimizga bo‘lgan ishonchni qaytarishimiz kerak. Albatta, 13 ochkolik farqni hisobga olsak, Chempionlar ligasidagi g‘alaba chempionlikdan ko‘ra realroq ko‘rinadi", - deya Koman so‘zlarini keltirmoqda Be In Sports.

“Bavariya” tez orada Chempionlar ligasining chorak finalida Londonning “Arsenal” jamoasiga qarshi maydonga tushadi.