"Liverpul", "Chelsi" va Kataloniyaning "Barselona" klublariga o‘tishi mumkinligi haqida xabarlar tarqalgan "Sporting Lissabon" bosh murabbiyi Ruben Amorim kelajagi haqida gapirdi.
"Hozir bor e’tiborimni “Sporting”ga qaratganman va bu jamoa murabbiyi ekanligimdan juda faxrlanaman. Biz bor e’tiborimizni titullarni qo‘lga kiritishga qaratganmiz. Oxir-oqibat hammasini ko‘rasiz, lekin hozircha mening shartnomam bor va men bu yerda baxtliman.
Bu eng muhimi. Bu yerda baxtli ekanligim shartnomadan ko‘ra muhimroqdir", - deya Amorimning so‘zlarini keltiradi jurnalist Ben Jeykobs X ijtimoiy tarmog‘ida (sobiq Twitter).
