"Manchester Siti" himoyachisi Manuel Akanji "Arsenal"ga qarshi APL doirasidagi golsiz o‘yinda Entoni Teylorning hakamligini tanqid qildi.
"Men buni tushunmayapman. Birinchi bo‘limda ularning o‘yinchisi Kay Xavers Stefan Ortega bilan juda kech kurashga chiqdi. Menimcha, bu aniq sariq kartochka edi. Men hamma narsani aytishni istamayman, qarorlar bizga qarshi edi. Ba’zi qarorlar ularga qarshi edi va men nega hakam qo‘pollik qilganini tushunolmadim.
Qoidalar bor va menimcha, ba’zi qoidabuzarliklar sariq kartochkaga arziydi. Bir epizodni eslayman, Jorjinyo avvaliga qo‘pollik qilgan bo‘lsa-da, keyin yana va yana qildi va ularning hech biri uchun sariq kartochka olmadi.
Men ba’zi qarorlarni tushunmayapman, ammo yakunda baribir gol urishimiz kerak edi.
Albatta, biz g‘alaba qozonib, uch ochko olishni xohlagandik, ammo hali hech narsa hal qilinmagan va hamma narsa bo‘lishi mumkin", — dedi Akanji Evening Standard bilan suhbatda.
