"Манчестер Сити" ҳимоячиси Мануэль Аканжи "Арсенал"га қарши АПЛ доирасидаги голсиз ўйинда Энтони Тэйлорнинг ҳакамлигини танқид қилди.
"Мен буни тушунмаяпман. Биринчи бўлимда уларнинг ўйинчиси Кай Хаверц Стефан Ортега билан жуда кеч курашга чиқди. Менимча, бу аниқ сариқ карточка эди. Мен ҳамма нарсани айтишни истамайман, қарорлар бизга қарши эди. Баъзи қарорлар уларга қарши эди ва мен нега ҳакам қўполлик қилганини тушунолмадим.
Қоидалар бор ва менимча, баъзи қоидабузарликлар сариқ карточкага арзийди. Бир эпизодни эслайман, Жоржиньо аввалига қўполлик қилган бўлса-да, кейин яна ва яна қилди ва уларнинг ҳеч бири учун сариқ карточка олмади.
Мен баъзи қарорларни тушунмаяпман, аммо якунда барибир гол уришимиз керак эди.
Албатта, биз ғалаба қозониб, уч очко олишни хоҳлагандик, аммо ҳали ҳеч нарса ҳал қилинмаган ва ҳамма нарса бўлиши мумкин", — деди Аканжи Evening Standard билан суҳбатда.
