"Barselona" jamoa sardori Serxi Roberto bilan shartnomani uzaytirishi mumkin, deb xabar bermoqda relevo nashri.
32 yoshli ispaniyalik futbolchi Kataloniya klubi tarbiyalanuvchisi hisoblanadi. 2023 yilda futbolchi klub bilan shartnoma imzoladi, unda futbolchining maoshi sezilarli darajada kamayishi ko‘zda tutilgan. Ushbu shartnoma 2023/24 yilgi mavsum oxirigacha amal qiladi.
Nashrning yozishicha, “Barselona”ning dastlabki rejasi mavsum oxirida futbolchi bilan hamkorlikni to‘xtatish bo‘lgan, biroq Robertoning so‘nggi o‘yinlari rahbariyat fikrini o‘zgartirishi mumkin.
Yaqin kunlarda futbolchi, uning agenti va "Barselona" rahbariyati o‘rtasida shartnomani uzaytirish bo‘yicha uchrashuv bo‘lib o‘tishi kerak.
Agar shartnomaning moliyaviy parametrlari avvalgi shartnomaga nisbatan o‘zgarmasa, futbolchi klub bilan 1 mavsumga shartnoma imzolashga tayyor.
Agar tomonlar til topisha olmasa, Roberto yangi klub qidirishni boshlashdan avval "Barselona" bilan yangi shartnoma bo‘lmasligiga 100 foiz ishonch hosil qilmoqchi.
2023/24 yilgi mavsumda Serxi Roberto jamoa safida 17 ta o‘yin o‘tkazdi.
