"Барселона" жамоа сардори Серхи Роберто билан шартномани узайтириши мумкин, деб хабар бермоқда relevo нашри.
32 ёшли испаниялик футболчи Каталония клуби тарбияланувчиси ҳисобланади. 2023 йилда футболчи клуб билан шартнома имзолади, унда футболчининг маоши сезиларли даражада камайиши кўзда тутилган. Ушбу шартнома 2023/24 йилги мавсум охиригача амал қилади.
Нашрнинг ёзишича, “Барселона”нинг дастлабки режаси мавсум охирида футболчи билан ҳамкорликни тўхтатиш бўлган, бироқ Робертонинг сўнгги ўйинлари раҳбарият фикрини ўзгартириши мумкин.
Яқин кунларда футболчи, унинг агенти ва "Барселона" раҳбарияти ўртасида шартномани узайтириш бўйича учрашув бўлиб ўтиши керак.
Агар шартноманинг молиявий параметрлари аввалги шартномага нисбатан ўзгармаса, футболчи клуб билан 1 мавсумга шартнома имзолашга тайёр.
Агар томонлар тил топиша олмаса, Роберто янги клуб қидиришни бошлашдан аввал "Барселона" билан янги шартнома бўлмаслигига 100 фоиз ишонч ҳосил қилмоқчи.
2023/24 йилги мавсумда Серхи Роберто жамоа сафида 17 та ўйин ўтказди.
