"Atletiko Madrid" bosh murabbiyi Diyego Simeone "Vilyarreal"ga qarshi o‘yin oldidan o‘tkazilgan matbuot anjumanida muxlislarning jamoa hujumchisi Alvaro Morataga hushtakbozlik qilishlari va La Liga o‘yinlaridagi irqchilik haqida gapirdi.

"Bu motivasiya. Albatta, Morata tribunadan olqishlar va eng yaxshi tarzda javob qaytarishga ko‘proq turtki bo‘ladi. U biz uchun juda muhim o‘yinchi va bu kabi vaziyatlar bizda yaxshi harakat qilish istagini kuchaytiradi.

Futbolchilar o‘z terma jamoalaridan qaytishdi, Xudoga shukur, biz bu yerda, bazada qolgan yigitlar bilan katta ishtiyoq bilan ishladik, ular shu ikki hafta mashg‘ulot o‘tkazishdi. Bugun bizni nima o‘ynayotganini biladigan va murabbiy taklif qilgan narsalarni juda yaxshi amalga oshiradigan raqib bilan juda muhim o‘yin kutib turibdi.

Irqchilik haqida gapirishda davom etish qiyin. Hammasi bir xil. Bu har birimizga bog‘liq, bir kishiga emas, butun jamiyatga bog‘liq. Hammamiz yaxshilanishimiz kerak", - dedi Simeone.