"Yuventus" bosh murabbiy Massimiliano Allegriga o‘rinbosar qidirishda davom etmoqda.
Turinliklar jamoasini boshqarish uchun asosiy nomzodlardan biri, avvalroq bir necha bor xabar qilinganidek, "Bolonya" ustozi Tyago Motta hisoblanadi. Calciomercato xabariga ko‘ra, "Yuventus" sport direktori Kristiano Juntoli allaqachon mutaxassis bilan muzokaralar olib bormoqda - tomonlar shartnoma shartlarini, jumladan, maoshni ham muhokama qilishmoqda. 41 yoshli murabbiy mavsum yakunida "Bolonya"ni tark etishga tayyorligini bildirdi.
"Bolonya" A Seriyaning 30-turidan keyin "Yuventus"dan atigi ikki ochko ortda qolib, to‘rtinchi o‘rinda bormoqda.
