"Ювентус" бош мураббий Массимилиано Аллегрига ўринбосар қидиришда давом этмоқда.

Туринликлар жамоасини бошқариш учун асосий номзодлардан бири, аввалроқ бир неча бор хабар қилинганидек, "Болонья" устози Тьяго Мотта ҳисобланади. Calciomercato хабарига кўра, "Ювентус" спорт директори Кристиано Жунтоли аллақачон мутахассис билан музокаралар олиб бормоқда - томонлар шартнома шартларини, жумладан, маошни ҳам муҳокама қилишмоқда. 41 ёшли мураббий мавсум якунида "Болонья"ни тарк этишга тайёрлигини билдирди.

"Болонья" А Сериянинг 30-туридан кейин "Ювентус"дан атиги икки очко ортда қолиб, тўртинчи ўринда бормоқда.