Bugun O‘zbekiston futbol assosiasiyasi rahbariyati va O‘FA texnik direktori sifatida ish boshlagan Gi Kiala ishtirokida yig‘ilish bo‘lib o‘tdi.
Unda murabbiylar ta’limi, terma jamoalar, akademiyalar faoliyati, bolalar, ommaviy va ayollar futboli, futzal, sport tibbiyoti hamda ilmiy-tahliliy yo‘nalishlar bo‘yicha hulosalar tinglandi. FIFAning "Football for schools" va "Grasroots" dasturlari ijrosi muhokama qilindi.
Gi Kiala xalqaro tajribadan kelib chiqib, har bir yo‘nalish bo‘yicha qisqa, o‘rta va uzoq muddatli rejalarini ilgari surdi. Ularni tartib va qat’iy talablar asosida amalga oshirish zarurligi ta’kidlandi. Taqdimot va takliflar bo‘yicha O‘FA rahbariyati o‘z fikr-mulohazalarini bildirdi.
