Бугун Ўзбекистон футбол ассоциацияси раҳбарияти ва ЎФА техник директори сифатида иш бошлаган Ги Киала иштирокида йиғилиш бўлиб ўтди.
Унда мураббийлар таълими, терма жамоалар, академиялар фаолияти, болалар, оммавий ва аёллар футболи, футзал, спорт тиббиёти ҳамда илмий-таҳлилий йўналишлар бўйича ҳулосалар тингланди. ФИФАнинг "Football for schools" ва "Grasroots" дастурлари ижроси муҳокама қилинди.
Ги Киала халқаро тажрибадан келиб чиқиб, ҳар бир йўналиш бўйича қисқа, ўрта ва узоқ муддатли режаларини илгари сурди. Уларни тартиб ва қатъий талаблар асосида амалга ошириш зарурлиги таъкидланди. Тақдимот ва таклифлар бўйича ЎФА раҳбарияти ўз фикр-мулоҳазаларини билдирди.
