Madridning “Real” klubi Leverkuzenning “Bayer” klubi yarim himoyachisi Florian Virsni faol kuzatishda davom etmoqda. Relevo.com xabariga ko‘ra, "qirollik klubi" nemis yarim himoyachisining iqtidoriga qoyil qoladi, biroq muammo shundaki, hozirda futbolchi uchun tarkibda bo‘sh joy yo‘q.
Oldinroq Xabi Alonso kelasi mavsumda "Bayer" bosh murabbiyi sifatida qolishi ma’lum bo‘lgandi. Bu sabab Virsning Premyer-liga gigantlaridan kelgan takliflarni e’tiborsiz qoldirib, Leverkuzenda qolishiga olib kelishi mumkin.
Katta ehtimol bilan "Real" kelajakda yarim himoyachining transferi uchun kurash olib boradi. 20 yoshli Virs joriy mavsum Germaniya Bundesligasida 7 ta gol urdi va 10 ta golli uzatmani amalga oshirdi.
